లిప్ లాక్ సీన్లు చేస్తేనే సినిమాల్లో అవకాశాలు వస్తాయంటే సినిమాలు మానేసి ఇంట్లో కూర్చోవడానికే ఇష్టపడతా అంటూ భీకర ప్రతిజ్ఞ చేసింది వర్థమాన హీరోయిన్ మంజిమా మోహన్. గతంతో పోలిస్తే ప్రేక్షకుల అభిరుచుల్లో అప్పటికీ, ఇప్పటికీ చాలా తేడా వచ్చింది. గ్లామర్‌– అశ్లీలానికి తేడా వాళ్లకు తెలుసు. అందాల ప్రదర్శనకే ఇష్టపడని నేను లిప్ లాక్ సీన్లు చేస్తానని ఎలా చెబుతాను అంటూ ప్రశ్నించిందీ ముద్దుగుమ్మ. ‘సాహసం శ్వాసగా సాగిపో’ సినిమాలో నాగచైతన్యతో జోడీ కట్టిన ఈ భామ ఆ తర్వాత ఏ తెలుగు చిత్రంలోనూ నటించలేదన్నది తెలిసిన విషయమే.
తెలుగులో అవకాశాలు రానప్పటికీ ‘మంజిమా లిప్ లాక్ సీన్లకు, స్కిన్‌ షో చేయడానికి రెడీ’ అనే వార్త టాలీవుడ్‌లో షికారులో ఉంది. దీని గురించి మంజిమా ఘాటుగా స్పందించారు. ఈ సందర్భంగానే మంజిమా మీడియా అడిగిన్న ప్రశ్నకు ఘాటుగా స్పందించారు. హీరోయిన్ అన్నాక గ్లామరస్‌గా కనిపించాలని ప్రేక్షకులు కోరుకుంటారు. వాళ్ల కోసమే తాము గ్లామరస్‌గా కనిపిస్తుంటామని కొంతమంది కథానాయికలు అంటుంటారు. లిప్ లాక్, బికినీ సీన్స్‌ చేసినప్పుడు కథ డిమాండ్‌ చేసిందంటుంటారు.
ముద్దుగుమ్మలు ఏం చెప్పినా వినడానికి బాగుంటుంది. అయితే, మంజిమా మోహన్ ఇలాంటివన్నీ చెప్పనే చెప్పరు. ఎందుకంటే, ఈ బ్యూటీ లిప్ లాక్ సీన్స్‌ చేయరట. కానీ ఎక్కడా అవకాశాలు లేకపోతే అద్భుత నటి సౌందర్య సైతం మోడ్రన్ దుస్తులతో అందాల ప్రదర్శనకు ఎలా సిద్ధమైపోయారో తెలుసు. మంజిమాకు మంచి అవకాశాలు రావాలని కోరుకుందాం.
