నందమూరి మోహన కృష్ణ తనయుడు నందమూరి తారకరత్న ఆరోగ్యంపై తెలుగు సినిమా రంగంలో పెద్ద చర్చే జరుగుతుంది. షూటింగ్‌లలోనూ ఇదే చర్చ నడుస్తోంది. వయస్సులో వున్న నటుడికి ఇలా ఎందుకు జరిగిందనేది అందరికీ ఆశ్చర్యంగానే వుంది. నారా లోకేష్‌ పాద యాత్ర సందర్భంగా జరిగిన ఈ దుర్ఘటనపై ఫిలింఛాంబర్‌లోని సీనియర్‌ నిర్మాతలు ఆందోళన చెందారు. నందమూరి బాలకృష్ణ కుటుంబం, ఎన్‌.టి.ఆర్‌., కళ్యాణ్‌ రామ్‌ కుటుంబం కూడా హుటా హుటిన బెంగుళూరు నారాయణ హృదయాలయానికి వెళ్ళి ఆరోగ్యం గురించి వాకబు చేయడంపట్ల ఏదో తెలీని దిగులు తెలుగు సినిమారంగంలో నెలకొంది.
