- మురళికి జాబ్ వచ్చినా అక్కడా అడ్డంకులే అని 800 సినిమా నిర్మాత తెలిపారు. తెలుగులో పావురు హీరోలకు కథ చెపితే చేయడానికి భయపడ్డారు. దాంతో కొద్దికాలం వాయిదా పడింది. అసలు ముందుగా విజయ్ సేతుపతి గారితో సినిమా తీయాలని అనుకోవడం, తమిళనాడు, శ్రీలంకలో కొంతమంది గొడవ చేయడంతో కాంట్రవర్సీలు వద్దని సేతుపతి గారు తప్పుకోవడం తెలిసిన విషయాలే. అప్పుడు నానికి కథ చెప్పాలని శ్రీపతి ప్రయత్నించారు. అప్పటికి నాని 'జెర్సీ' చేసి ఏడాదిన్నర మాత్రమే అయింది. క్రికెట్ నేపథ్యంలో మరో సినిమా అంటే నాని గారు కూడా ఆలోచించాలి. మురళీధరన్ గారికి నాని అంటే ఇష్టం. వాళ్ళిద్దరూ మాట్లాడుకుంటూ ఉంటారు! నేను కూడా చెప్పడంతో 'కథ వింటాను కానీ సినిమా చేయలేను' అని నాని ముందే చెప్పారు. కథ విన్నాక 'చాలా బాగుంది' అన్నారు.
