తాజాగా ఈ మూవీకి సంబంధించిన అప్డేట్‌ను మేకర్లు ప్రకటించారు. ఈ చిత్రంలో రామ్ అనే ముఖ్య పాత్రలో సుశాంత్ నటించనున్నారు. `అల వైకుంఠపురంలో` వంటి బ్లాక్ బస్టర్ తరువాత సుశాంత్.. రావణాసుర కథ, స్క్రిప్ట్, పాత్ర నచ్చి వెంటనే ఓకే చెప్పారు. సుశాంత్ అప్పియరెన్స్ ఈ సినిమాకు బోనస్ కానుంది.
తాజాగా విడుదల చేసిన ఫస్ట్ లుక్ పోస్టర్‌లో సుశాంత్ నీలిరంగు కళ్లతో, పొడవాటి జుట్టుతో, స్టైలీష్ లుక్‌లో కనిపించారు. రామ్ పాత్రలో సుశాంత్ నటిస్తున్నారు.. హీరోలు లేరు అనే క్యాప్షన్‌తో సినిమా వస్తుండటంతో అందరిలోనూ ఆసక్తి నెలకొంది. పోస్టర్‌ను చూస్తుంటే సుశాంత్ ముఖ్య పాత్రలో నటిస్తున్నట్టు కనిపిస్తోంది.
రచయితగా శ్రీకాంత్ విస్సా ఇప్పుడు చాలా బిజీగా ఉన్నారు. ఆయనే ఈ సినిమాకు కథను అందించారు. సుధీర్ వర్మ తన సినిమాలను ఎంత కొత్తగా, స్టైలీష్‌గా తెరకెక్కిస్తారో అందరికీ తెలిసిందే. ఈ చిత్రంలో రవితేజను ఇది వరకు ఎన్నడూ చూడని విధంగా చూపించబోతోన్నారు. పోస్టర్‌ను బట్టే మనకు ఆ విషయం అర్థమవుతోంది.
