బి.గోపాల్‌ దర్శకత్వంలో జయా బాలాజీ రియల్‌ మీడియా పతాకంపై గోపీచంద్, నయనతార జంటగా తాండ్ర రమేష్‌ నిర్మిస్తున్న చిత్రం 'ఆరడుగుల బుల్లెట్'. ఈ చిత్ర ట్రైలర్‌ను చిత్ర యూనిట్‌ శుక్రవారం విడుదల చేసింది. ఈ ట్రైలర్లో గోపీచంద్ చెప్పే పలు శక్తివంతమైన డైలాగులు ఆద్యంతం ఆసక్తికరంగా ఉన్నాయి. ఈనెల 19న ప్రపంచవ్యాప్తంగా ఈ సినిమాను రిలీజ్ చేయనున్నారు.
శుక్రవారం విడుదలైన ఆరడుగుల బుల్లెట్ ట్రైలర్‌ను చూసిన వారు మాత్రం రవితేజ నటించిన ''కృష్ణ'', ''కిక్'', ''బలుపు'' వంటి యాక్షన్ ఎంటర్టైన్మెంట్‌తో కూడిన సినిమాలను కలిపి తీసిన సినిమాలా ఉందని చెప్పేస్తున్నారు. ట్రైలర్లో మణిశర్మ బ్యాక్ గ్రౌండ్ స్కోర్ బాగోలేదని టాక్ వస్తోంది.
కాగా ప్రకాష్‌ రాజ్‌, బ్రహ్మానందం, కోట శ్రీనివాసరావు, అభిమన్యు సింగ్‌, చలపతిరావు, సలీంబేగ్‌, ఉత్తేజ్‌, జయప్రకాష్‌రెడ్డి, ఫిరోజ్‌ అబ్బాసి, రమాప్రభ, సురేఖావాణి, సన, సంధ్యా జనక్‌ తదితరులు నటిస్తున్న ఈ చిత్రానికి సంగీతం: మణిశర్మ, సినిమాటోగ్రఫీ: బాల మురుగన్‌, ఎడిటింగ్‌: కోటగిరి వెంకటేశ్వరరావు.
