ఈ చిత్రంలో అనసూయ రామలింగం పాత్రలో సమంత, ఆనంద్‌ విహారి పాత్రలో నితిన్ కనిపించనున్నారు. అనుపమ పరమేశ్వరన్‌, నరేష్‌, నదియా, అనన్య, శ్రీనివాస్‌ అవసరాల, బ్రహ్మానందం, అలి, పోసాని, రావు రమేష్‌ తదితరులు చిత్రంలో ప్రధాన పాత్రల్లో నటించారు. ఇటీవల విడుదలైన ఈ చిత్రం ఆడియోకు మంచి స్పందన లభించిన సంగతి తెలిసిందే.
కాగా, హారిక అండ్‌ హాసిని క్రియేషన్స్‌ పతాకంపై ఎస్‌. రాధాకృష్ణ ఈ చిత్రాన్ని నిర్మించారు. మిక్కీ జె. మేయర్‌ సంగీతం సమకూర్చారు. త్రివిక్రమ్ కథ, మాటలు సమకూర్చి దర్శకత్వం వహించారు.
