బాలీవుడ్ నటుడు వరుణ్‌ధావన్ ప్రయాణిస్తున్న కారు ప్రమాదానికి గురైంది. అయితే వరుణ్ ఈ ప్రమాదంలో ఎలాంటి గాయాలు లేకుండా బయటపడ్డాడు. ఈ ప్రమాదం నుంచి సురక్షితంగా బయటపడటంతో ఆయన ఊపిరిపీల్చుకున్నారు. ఈ విషయాన్ని చూసిన ఓ వ్యక్తి సోషల్ మీడియాలో ఈ పోస్ట్ పెట్టాడు. హీరో ''వరుణ్ ధావన్ కారు జుహు 10వ రహదారి వద్ద మరో హోండా సిటీ కారును ఢీ కొట్టింది'' అని పోస్ట్ చేశాడు.
దీనిపై.. వరుణ్ దావన్ కూడా స్పందించాడు. ''కారు ప్రమాదానికి గురైన మాట వాస్త‌వ‌మేనని, అయితే త‌న‌కు గాని, వేరే కారులో ఉన్న‌వాళ్ల‌కు గాని ఎటువంటి గాయాలు కాలేద‌ని, నా కారు, వేరే కారు రెండూ పాడయ్యాయని'' రీట్వీట్ చేశాడు. ఇప్పుడు బాలీవుడ్ సినీ ప్రముఖులంతా వరుణ్ ఆరోగ్య పరిస్థితిని సమీక్షిస్తున్నారు. ఈ యాక్సిండెంట్‌కి సంబంధించిన వివరాలు ఇంకా తెలియరాలేదు. ప్రస్తుతం వరుణ్ ''జుడ్వా-2'' సినిమాతో బిజి బిజీగా ఉన్నాడు.
