బిగ్ బాస్ సీజన్ 3పై అప్పుడే చర్చ మొదలైంది. తెలుగులో తొలి బిగ్ బాస్ సీజన్‌కు యంగ్ టైగర్ ఎన్టీఆర్ హోస్ట్‌గా, రెండో సీజన్‌కు నేచురల్ స్టార్ నాని హోస్ట్‌గా వ్యవహరించారు. ప్రస్తుతం బిగ్ బాస్-3కి విక్టరీ వెంకటేష్ వ్యాఖ్యాతగా వ్యవహరిస్తారని ఫిలిమ్ నగర్ వర్గాల్లో జోరుగా చర్చ సాగుతోంది. గతంలో విజయ్ దేవరకొండ బిగ్ బాస్ సీజన్ -3కి వ్యాఖ్యాతగా వ్యవహరిస్తారని ఫిలిమ్ నగర్ వర్గాల్లో ప్రచారం సాగుతోంది. తాజాగా వెంకీ పేరు తెరపైకి వచ్చింది.
ఇంతకుముందు హౌస్ లోని వాళ్లు నాని మాటలను పెద్దగా లెక్కచేయలేదనే విమర్శలు వున్నాయి. వెంకటేశ్‌ను అనుకోవడానికి ఇదొక కారణమని అంటున్నారు. ఇంతవరకూ టీవీ కార్యక్రమాలకి దూరంగా ఉంటూ వచ్చిన వెంకటేశ్, తొలిసారిగా ఈ కార్యక్రమంతో బుల్లితెర ప్రేక్షకుల ముందుకు రానున్నాడని టాక్ వస్తోంది. జూన్ నుంచి బిగ్ బాస్ మూడో సీజన్ ప్రారంభం కానుంది.
