టాలీవుడ్ సంచలనం విజయ్ దేవరకొండ తాజా చిత్రం "టాక్సీవాలా". ఈ చిత్రం షూటింగ్ పూర్తయింది. కానీ, విడుదల విషయంలో తీవ్ర జాప్యం జరుగుతోంది. ఇప్పటికే పలుమార్లు వాయిదాపడింది కూడా. ఈ నేపథ్యంలో ఈ చిత్రానికి సంబంధించిన కొన్ని సీన్లు మొబైల్‌లో లీకయ్యాయి.
విజయ్ దేవరకొండ సరసన మాళవికా నాయర్, ప్రియాంకలు నటించిన ఈ చిత్రం చానాళ్ల క్రితమే విడుదలకు సిద్ధమైనా, పలు కారణాలతో వాయిదా పడుతూ వస్తున్న సంగతి తెలిసిందే. కాగా, విజయ్ దేవరకొండ నటించిన మరో తాజా చిత్రం నోటా వచ్చే నెల ఐదో తేదీన ప్రేక్షకుల ముందుకురానుంది.
