రాఖీని రికార్డ్స్ ఇష్టపడతాయి.. కేజీఎఫ్ చాప్టర్-2 ట్రైలర్‌ రికార్డ్స్ అదుర్స్

KGF: Chapter 2

కేజీఎఫ్ సీక్వెల్ ఎప్పుడెప్పుడు వస్తుందా అని ప్రేక్షకులు ఎంతగానో ఎదురుచూస్తున్నారు. గతేడాది విడుదలైన టీజర్ యూట్యూబ్‌లో అత్యధికంగా వ్యూస్‌ను సాధించిన టీజర్‌గా రికార్డు సృష్టించింది. దీన్ని బట్టే అర్థం చేసుకోవచ్చు. తాజాగా విడుదలైన చాప్టర్-2 ట్రైలర్ కూడా టీజర్ తరహాలోనే యూట్యుబ్‌లో రికార్డులు సృష్టిస్తుంది.

24 గంటల్లోనే 109 మిలియన్ల వ్యూస్ సాధించిన కేజీఎఫ్ చాప్టర్ 2 ట్రైలర్ తో మరో రికార్డును బద్దలు కొట్టింది. ఆదివారం విడుదలైన ఈ చిత్ర ట్రైలర్ 24గంటల్లో 109 మిలియన్ల వ్యూస్‌ను సాధించి యూట్యుబ్‌లో ప్రభంజనం సృష్టిస్తుంది. 

ఇండియాలోనే ఇంత ఫాస్ట్‌గా అత్యధిక వ్యూస్‌ను సాధించిన ట్రైలర్‌గా చాప్టర్‌-2 ట్రైలర్ రికార్డు సృష్టించింది. తాజాగా ఈ విషయాన్ని చిత్ర మేకర్స్ సోషల్ మీడియాలో "రికార్డ్స్..రికార్డ్స్..రికార్డ్స్.. రాఖీకి ఇది ఇష్టముండదు. కానీ రాఖీని రికార్డ్స్ ఇష్టపడతాయి" అంటూ మేకర్స్ సినిమాలోని డైలాగ్‌తో రికార్డ్స్‌ను వర్ణించారు. 

ప్రశాంత్ నీల్ తెరకెక్కించిన ఈ చిత్రాన్ని హొంబలే సంస్థ అత్యంత ప్రతిష్టాత్మకంగా నిర్మించింది. శ్రీనిధి శెట్టి హీరోయిన్‌గా నటించిన ఈ చిత్రం ఏప్రిల్ 14న విడుదల కానుంది.

ఇంకా దర్శకుడు ప్రశాంత్ యష్ చేత చెప్పించిన పంచ్ డైలాగ్స్ అదిరాయి. రితేష్ సిద్వానీ, ఫర్హాన్ అక్తర్ ఎక్సెల్ ఎంటర్టైన్మెంట్, ఏఏ ఫిలిమ్స్ సంయుక్తంగా ఈ చిత్రాన్ని నార్త్ ఇండియన్ మార్కెట్లలో విడుదల చేస్తాయి.