బాహుబలి దేవసేన, అనుష్క ప్రధాన పాత్రగా నటించిన ''భాగమతి'' సినిమా ప్రపంచ వ్యాప్తంగా విడుదలై కలెక్షన్ల వర్షం కురిపిస్తోంది. తెలుగు రాష్ట్రాల్లో 28.5 కోట్ల గ్రాస్‌ను, రూ.17.95కోట్ల షేర్‌ను సాధించింది. ఇక ప్రపంచ వ్యాప్తంగా రూ.58.9కోట్ల గ్రాస్‌, రూ.30.9 కోట్ల షేర్‌ను రాబట్టింది.
ఇక ముఖ్యంగా అమెరికాలో స్టార్ హీరోల స్థాయిలో ''భాగమతి'' 1 మిలియన్ మార్కును అధిగమించింది. తద్వారా గతంలో శ్రీదేవి నటించిన ''ఇంగ్లిష్ వింగ్లిష్'' సినిమా రికార్డును అధిగమించే దిశగా భాగమతి దూసుకెళ్తోంది. తద్వారా ''భాగమతి'' హీరోయిన్ ప్రాధాన్యత కలిగిన సినిమాల్లో అధిక వసూళ్లు సాధించిన రెండో భారతీయ సినిమా నిలిచింది.
