ఏపీ ముఖ్యమంత్రి, వైఎస్ఆర్ సీపీ అధినేత వైఎస్. జగన్మోహన్ రెడ్డి పుట్టిన రోజు వేడుకలు సోమవారం వైకాపా శ్రేణులు ఘనంగా నిర్వహిస్తున్నారు. ఈ బర్త్‌డేను పురస్కరించుకుని వివిధ రకాలైన సమాజిక సేవా కార్యక్రమాలు నిర్వహిస్తున్నారు. ఇందులోభాగంగా, ఆ పార్టీ ఎమ్మెల్యే ఆర్కే రోజా ఓ మంచి పని చేశారు.
'మంచి మనిషి జన్మదినాన ఒక మంచి పని..! మన అందరి ప్రియతమ నేత ఆంధ్రప్రదేశ్ ముఖ్యమంత్రి వర్యులు వైఎస్ జగన్ అన్న పుట్టినరోజు సందర్భంగా ఒక మంచి పనికి శ్రీకారం చుట్టడం జరిగింది. పి.పుష్పకుమారి అనే ఈ చిన్నారి పూర్తి చదువుకు నేను దత్తత తీసుకోవడం జరిగింది' అంటూ నగరి ఎమ్మెల్యే ఆర్కే రోజా తెలియజేశారు. ఈ మేరకు ఆమె తన ట్విట్టర్ ఖాతాలో ట్వీట్ పెట్టారు.
