బ్ర‌హ్మానందం త‌న‌యుడు గౌత‌మ్ ప‌ల్ల‌కిలో పెళ్లికూతురు సినిమాతో హీరోగా ప‌రిచ‌యం అయ్యాడు. తొలి ప్ర‌య‌త్నంలో న‌టుడుగా మంచి పేరు తెచ్చుకున్నా.. క‌మ‌ర్షియ‌ల్ హీరోగా స‌క్స‌స్ మాత్రం సాధించ‌లేదు. ఆ త‌ర్వాత న‌టించిన బ‌సంతి సినిమా కూడా విజ‌యాన్ని సాధించ‌లేదు. దీంతో కొంత గ్యాప్ తీసుకుని గౌత‌మ్ న‌టించిన చిత్రం మ‌ను. ఈ చిత్రంలో గౌత‌మ్ స‌ర‌స‌న చాందిని చౌద‌రి న‌టించింది. ఫ‌ణీంద్ర న‌ర్శెట్టి ఈ చిత్రానికి ద‌ర్శ‌క‌త్వం వ‌హించారు.
స‌స్పెన్స్ థ్రిల్ల‌ర్‌గా రూపొందిన మ‌ను చిత్రం ట్రైల‌ర్‌ను ఇటీవ‌ల రిలీజ్ చేసారు. ఇంట్ర‌స్టింగ్ ఉన్న ఈ ట్రైల‌ర్‌కు విశేష స్పంద‌న ల‌భించింది. దీంతో ఈ సినిమాపై అంచ‌నాలు ఏర్ప‌డ్డాయి. సెప్టెంబ‌ర్ 7న ఈ సినిమాని రిలీజ్ చేయ‌నున్న‌ట్టు చిత్ర యూనిట్ అఫిషియ‌ల్‌గా ఎనౌన్స్ చేసారు. దాదాపు ప‌ది సంవ‌త్స‌రాల క్రితం హీరోగా ప‌రిచ‌య‌మైన‌ప్ప‌టికీ గౌత‌మ్‌కి స‌రైన స‌క్స‌స్ రాలేదు. దీంతో ఈ సినిమాపై చాలా ఆశ‌లు పెట్టుకున్నాడు. మ‌రి.. గౌత‌మ్ ప్ర‌య‌త్నం ఫ‌లిస్తుందో లేదో..?
