ఇప్పటికే ప్రపంచాన్ని కరోనా వైరస్ వణికిస్తోంది. చైనాలోని వుహాన్ నగరంలో పురుడు పోసుకున్న ఈ వైరస్.. దాదాపు 220 ప్రపంచ దేశాలకు వ్యాపించి, అతలాకుతలం చేస్తోంది. ఈ వైరస్ దెబ్బకు అగ్రరాజ్యాలు సైతం వణికిపోతున్నాయి. ఈ వైరస్ నుంచి ఎలా బయటపడాలో తెలియక తల్లడిల్లిపోతున్నాయి. ఇంతలోనే మరో వ్యాధి ప్రపంచాన్ని కబళించనుందట.
ఈ ప్లేగు వ్యాధి మంగోలియా దేశంలో పురుడు పోసుకుందట. దానిపేరు బుబోనిక్ ప్లేగు వ్యాధి. 19వ శతాబ్దంలో వచ్చిన ప్లేగు వ్యాధితో పోలిస్తే, ఇది మరింత బలమైనదని చెబుతూ నగరంలో మూడో స్థాయి ప్రమాద హెచ్చరికలను జారీ చేశారు. ఈ సంవత్సరం చివరి వరకూ ఈ హెచ్చరికలు అమలులో ఉంటాయని తెలిపారు.
మర్మోట్ (పందికొక్కు) మాంసం తినడం వల్ల వీరికి ఈ వ్యాధి వచ్చినట్టు గుర్తించారు. దీంతో వారితో సన్నిహితంగా మెలిగిన వారిని ఐసోలేట్ చేశారు. ఈ వ్యాధి మానవుల నుంచి మానవులకు వ్యాపిస్తుందని, ప్రతి ఒక్కరూ ముందు జాగ్రత్త చర్యలు తీసుకోవాలని హెచ్చరించింది.
