బాలీవుడ్ నటి కరిష్మా కపూర్ 90వ దశకంలో ఓ ఊపు ఊపిన స్టార్. హిందీ పరిశ్రమలో ప్రసిద్ధ నటులలో ఒకరైన ఆమె కూలీ నెంబర్ 1, రాజా హిందుస్తానీ, దిల్ తో పాగల్ హై, ఫిజా వంటి అనేక విజయవంతమైన చిత్రాల్లో నటించింది. ఆమె సినీ జీవితం సూపర్ సక్సెస్ అయితే, ఆమె వ్యక్తిగత జీవితం మాత్రం ఎన్నో ఒడుదుడుకులకు గురైంది. వ్యాపారవేత్త సుంజయ్ కపూర్‌తో వివాహం విడాకులకు దారి తీసింది.
తన మాజీ స్నేహితుడికి తన ధరను కోట్ చేసి అతడితో పడుకోవాలని హనీమూన్ వెళ్లిన సమయంలో తన మాజీభర్త ఒత్తిడి చేసాడని తెలిపింది. అందుకు తను నిరాకరించడంతో తనను కొట్టాడని వివరించింది. అంతేకాదు... తనకు గిఫ్టుగా ఇచ్చిన దుస్తులను వేసుకోలేదని తన అత్తగారు సైతం తనపై భౌతిక దాడులు చేసారంటూ ఆవేదన వ్యక్తం చేసింది కరిష్మా కపూర్.
