కుమారుడిని సంతోషం.. చెప్పుతో కొట్టి హత్తుకున్న తల్లి.. ఎక్కడ?
శనివారం, 4 డిశెంబరు 2021 (08:01 IST)
Mother_Son
తల్లిప్రేమ ఎనలేనిది. కన్నబిడ్డపై ఆమె చూపే ప్రేమకు వెలకట్టలేం. అదే కన్నబిడ్డ దూరమైతే ఆ బాధను ఆమె తట్టుకోలేదు. అలా ఓ తల్లి తన కుమారుడి వదిలి దూరంగా వెళ్లి చాలాకాలం తర్వాత తిరిగి రావడంతో కోపాన్ని, ప్రేమను నిగ్రహించుకోలేకపోయింది.
అంతే ఒక్కసారిగా కుమారుడిని చూసిన సంతోషమో లేక కోపమో తెలియదు కానీ అతనిని చెప్పుతో కొట్టింది. పాకిస్థాన్ ఎయిర్ పోర్టులోజరిగిన ఈ ఘటనకు సంబంధించిన వీడియో నెట్టింట వైరల్ గా మారింది.
వివరాల్లోకి వెళితే.. పాకిస్థాన్‌కి చెందిన అన్వర్‌ జలాని అనే వ్యక్తి తల్లి చాలా రోజుల క్రితం స్వదేశం వదిలి వేరేచోటుకు వెళ్ళింది. చాలా రోజుల తరువాత ఇటీవల స్వదేశానికి తిరిగి వచ్చింది. ఇక తల్లి వస్తున్న ఆనందంలో అన్వర్‌ జలాని బొకే పట్టుకొని ప్లకార్డుపై మిస్ యూ అమ్మ అని రాసి తల్లికి ఎదురెళ్ళాడు.
ఇంకేముంది కొడుకును చూసిన ఆ తల్లి వెంటనే చెప్పు తీసుకొని కౌగిలించుకోవడానికి వచ్చిన కొడుకును చెప్పు తీసుకొని చితకొట్టింది. ఆ తరువాత వెంటనే కొడుకును హత్తుకొని కంటనీరు పెట్టుకొంది. ఈ ఘటనకు సంబంధించిన వీడియోను అన్వర్‌ జలాని సోషల్ మీడియాలో పోస్ట్ చేయగా అది కాస్త వైరల్‌గా మారింది.
