వంకాయ, టమోటా కాంబినేషన్లో కర్రీ టేస్ట్ చేశారా..? అయితే ట్రై చేయండి. వంకాయలో ఆరోగ్యానికి అవసరమయ్యే ఐరన్, ఫైబర్, సోలబుల్ కార్బోహైడ్రేట్స్ పుష్కలంగా ఉంటాయి. అంతే కాదు, పర్ఫుల్ కలర్ వెజిటేబుల్ క్యాన్సర్తో పోరాడుతాయి. డయాబెటిస్ను దూరం చేస్తాయి. క్యాలరీలను తగ్గిస్తాయి. మరి రుచికరమైన వంటను ఎలా తయారుచేయాలో చూద్దాం...
ముందుగా వంకాయలను ముక్కలుగా కట్ చేసుకుని నీటిలో కాసేపు ఉంచి తర్వాత తీసి పెట్టుకోవాలి. తర్వాత పాన్లో కొద్దిగా నూనె వేసి వేడి చేయాలి. వేడయ్యాక అందులో ఉల్లి, వెల్లుల్లి వేసి దోరగా వేయించాలి. అందులో సన్నగా తరిగిన టమోటో, వంకాయ ముక్కలు వేసి మరో 5నిముషాలు ఫ్రై చేయాలి.
తర్వాత కొద్దిగా నీరు, కారం, ఉప్పు, బిర్యానీ ఆకు, దాల్చిన చెక్క, పసుపు, జీలకర్ర పొడి, గరం మసాలా, కొత్తిమీర తరుగు వేసి, మొత్తం మిశ్రమాన్ని ఒకసారి కలియబెట్టి, తర్వాత మూత పెట్టి పది నిమిషాలు ఉడకనివ్వాలి. పదినిమిషాల తర్వాత పూత తీసి, అందులో ముందుగా ఉడికించుకొన్న పచ్చిబఠాణీలను వేసి, మొత్తం మిశ్రమాన్ని కలగలుపుకోవాలి అంతే గ్రేవీ చిక్కబడే వరకూ ఉడికించి దించేయాలి. అంతే వంకాయ టమాటా కర్రీ రెడీ.