వినాయక చతుర్థి స్పెషల్- బనానా హల్వా ఎలా చేయాలంటే?

వినాయక చవితి సందర్భంగా మోదకాలు, ఉండ్రాళ్లు చేస్తుంటాం. వీటితో పాటు అరటి పండ్లతో హల్వా కూడా తయారు చేసి.. స్వామికి నైవేద్యంగా సమర్పిద్దాం.. సింపుల్ అండ్ టేస్టీగా వుండే బనానా హల్వా ఎలా చేయాలో చూద్దాం.. 

కావలసిన పదార్థాలు:

అరటి పండు ముక్కలు - రెండు కప్పులు 

పచ్చి కోవా- ఒకటిన్నర కప్పు 

నెయ్యి- పావు కప్పు

పాలు - అర కప్పు

పంచదార - అర కప్పు, 

జీడిపప్పు, బాదం పప్పు పలుకులు- అర కప్పు

తయారీ విధానం:

నాన్‌స్టిక్ పాన్‌లో కోవా, అరటి పండు ముక్కలు వేసి స్టౌ మీద వుంచాలి. మీడియం హీట్‌పై వుంచి కలుపుతూ వుండాలి. కోవా కరిగి నూనెలా తేలాక.. పంచదార, జీడిపప్పు, బాదం పలుకులు వేసి కలపాలి. ఈ మిశ్రమం ముదురు గోధుమ రంగు వచ్చేవరకూ కలుపుతూ ఉడికించాలి. తర్వాత పాలు పోసి మిశ్రమం అంచులకు అంటుకోనంతవరకూ కలుపుతూ దించేయాలి. అంతే బనానా హల్వా రెడీ.