ముఖ అందాన్ని రెట్టింపు చేసేది కళ్లు. అయితే కళ్ల కింద ఏర్పడే నల్లటి వలయాలు అందానికి అడ్డంగా మారుతాయి. కనీసం 10 మందిలో ఆరుగురికి ఒత్తిడి, నిద్రలేమి, అనారోగ్య సమస్యల కారణంగా ఈ నల్లని వలయాలు వస్తుంటాయి. ఈ వలయాలు తొలగించాలంటే.. ఇంట్లోని సహజసిద్ధమైన పదార్థాలతో మాయం చేసుకోవచ్చు. ఎలాగో తెలుసుకుందాం..
స్పూన్ గ్రీన్ టీలో కొద్దిగా నిమ్మరసం కలుపుకోవాలి. ఈ మిశ్రమంలో దూదిని ముంచి కళ్లకు మర్దన చేసుకోవాలి. ఇలా రోజూ చేస్తుంటే కళ్ల కింద నల్లటి వలయాలు క్రమేనా తగ్గుముఖం పడుతాయి. అలానే కొన్ని చుక్కల గ్లిసరిన్‌లో కొద్దిగా నారింజ రసాన్ని కలిపి కంటి కింద రాసుకోవాలి. ఆపై 20 నిమిషాల తరువాత శుభ్రంగా కడుక్కోవాలి. ఇలా క్రమంగా చేయడం వలన నల్లని వలయాలే కాదు.. కళ్లు కూడా కాంతివంతంగా కనిపిస్తాయి.
