కిరణ్-హైదరాబాద్: మీరు అమావాస్య గురువారం, కుంభలగ్నం, మృగశిర నక్షత్రం, మిధునరాశి నందు జన్మించారు. ధనాధిపతి అయిన బృహస్పతి విరోధి క్షేత్రము నందు ఉండటం వల్ల సరయైన ఆర్థికాభివృద్ధి లేకుండా పోయింది. గ్రహాలన్నీ రాహుకేతువుల మధ్య బంధించబడటం వల్ల కర్కోటక కాలసర్పదోషం ఏర్పడటం వల్ల ఈ దోషాలకు శాంతి చేయించిన సర్వదా శుభం కలుగుతుంది.
ప్రతిరోజూ సుబ్రహ్మణ్యస్వామిని ఎర్రని పూలతో పూజించి, అర్చించండి. 2014 నుంచి శని మహర్దశ ప్రారంభమైంది. ఈ శని 2017 నుంచి 2033 వరకు మంచి యోగాన్ని దినదినాభివృద్ధిని ఇస్తుంది. విదేశాలలో కంటే స్వదేశంలో మీరు బాగుగా అభివృద్ధి చెందుతారు. శివాలయంలో కానీ, వినాయకుడి దేవాలయంలో కానీ మారేడు చెట్టును నాటిన సర్వదా శుభం కలుగుతుంది.
