భారత క్రికెటర్ హార్దిక్ పాండ్యా, తాను విడిపోయినట్టు ఆయన భార్య నటాషా శుక్రవారం అధికారికంగా వెల్లడించారు. నిజానికి నటాషా తాను విడిపోతున్నట్టు హార్దిక్ పాండ్యా గురువారం రాత్రే సోషల్ మీడియా ద్వారా వెల్లడించారు. నటాషాతో నాలుగేళ్ల బంధానికి ముగింపు పలికినట్లు అందులో పేర్కొన్నారు. భార్య నటాషాతో విడాకులు తీసుకున్నట్లు ప్రకటించారు. "పరస్పర అంగీకారంతో నాలుగేళ్ల తమ బంధానికి ముగింపు పలుకుతున్నట్టు పాండ్యా వెల్లడించారు.
ఇటీవల తన కుమారుడు అగస్త్యను తీసుకొని నటాషా ముంబై నుంచి సెర్బియాకు వెళ్లిపోయిన విషయం తెల్సిందే. నటాషా ముంబై నుంచి బయలుదేరిన ఫొటోలు, వీడియోలు సామాజిక మాధ్యమాల్లో చక్కర్లు కొట్టాయి. వారిద్దరూ విడాకులు తీసుకున్నట్లుగా వార్తలు కూడా వచ్చాయి. ఇదేసమయంలో తాము విడాకులు తీసుకున్నట్లు పాండ్యా ప్రకటించారు.
'4 సంవత్సరాల పాటు కలిసి ఉన్న తర్వాత నటాషా, నేను విడిపోవాలని పరస్పర అంగీకారంతో నిర్ణయించుకున్నాం. కలిసి ఉండటానికి సాధ్యమైనంతగా ప్రయత్నించాం. ఇద్దరి ప్రయోజనాల కోసం ఈ నిర్ణయం తీసుకున్నాం. ఎన్నో మధుర క్షణాల అనంతరం, కుటుంబం ఏర్పడిన తర్వాత విడిపోవడం కఠిన నిర్ణయమే' అని పేర్కొన్నారు.
అగస్త్య తమ ఇద్దరితోనూ ఉంటాడని, అతని సంతోషం కోసం మేం తల్లిదండ్రులుగా అండగా ఉంటామని పేర్కొన్నారు. ఈ కష్టమైన సమయంలో తమ గోప్యతకు సహకరించాలని, తమకు మద్దతు ఇవ్వాలని కోరుతున్నామని ఇన్స్టాగ్రాంలో పోస్ట్ చేశారు.
అలాగే, తన పుట్టినిల్లు అయిన సెర్బియాకు చేరుకున్న నటాషా కూడా శుక్రవారం తమ విడాకుల గురించి అధికారికంగా వెల్లడించారు. అలాగే, తన పేరు నుంచి హార్దిక్ పాండ్యా పేరును తొలగించారు. అలాగే, సోషల్ మీడియాలో హార్దిక్ ఫోటోలను కూడా తొలగించారు.
