ఆస్ట్రేలియా దిగ్గజ స్పిన్నర్ షేన్ వార్న్ రాసలీలలు మళ్లీ వెలుగులోకి వచ్చాయి. లవర్స్ అంటూ ఇద్దరు సెక్స్ వర్కర్లను ఇంటికి పిలిపించుకుని షేన్ వార్న్ అడ్డంగా దొరికిపోయాడు. ఇంకా తన ప్రేమికురాలిని కూడా వెంటబెట్టుకుని రాసలీలలు కొనసాగించాడు. అంతేగాకుండా ఓపెన్‌గా తలుపులు బార్ల తెరుచుకుని మరీ నానా హంగామా చేసి ఇరుగుపొరుగుకు ఇబ్బంది కలిగించాడు. మంగళవారం జరిగిన ఈ ఘటన లేటుగా వెలుగులోకి వచ్చింది.
వివరాల్లోకి వెళితే.. ఈస్ట్ లండన్‌లో ఉన్న తన ఇంటికి వార్న్ తన లవర్‌తోపాటు మరో ఇద్దరు సెక్స్ వర్కర్లు డవీనా (19), పాపీ (27)లను పిలిపించుకున్నాడు. అనంతరం అందరూ కలిసి పార్టీ చేసుకున్నారు. ఈ క్రమంలో తలుపులు తెరిచే ఉంచడంతో లోపల జరుగుతున్న తతంగం మొత్తం పక్కింటి వారి కళ్లకు కట్టింది. చెవులు చిల్లులు పడే విధంగా మ్యూజిక్ పొరుగింటి వారికి ఇబ్బంది తెచ్చిపెట్టింది. ఆ తర్వాతి రోజు వార్న్ చెప్పులు లేకుండానే కారులో వెళ్లిన ఫొటోలు బయటకు వచ్చాయి.
