ప్రిన్స్ చార్లెస్తో ఆమె వివాహం ఎంత చారిత్రాత్మకంగా నిలిచిందో.. అంతే మాదిరిగా ఆమె విడాకులు, మరణం కూడా నిలిచిపోయాయి. ప్రిన్స్ చార్లెస్ నుంచి డయానా 1996లో సరిగ్గా ఇదే రోజున విడాకులు తీసుకున్నారు. అనంతరం సరిగ్గా ఏడాదికి పారిస్లో ఒక కారు ప్రమాదంలో ఆమె విగతజీవిగా మారారు.
స్పెన్సర్ కుటుంబానికి, బ్రిటీష్ రాజకుటుంబానికి మధ్య సన్నిహిత సంబంధాలు ఉండేవి. డయానా నాయనమ్మ, అమ్మమ్మలు బ్రిటీష్ మహారాణి ఎలిజెబెత్-1 వద్ద సహచరులుగా పనిచేశారు.
1977లో ఆమె ప్రిన్స్ చార్లెస్ను చూసింది. అప్పుడామె వయసు 16 సంవత్సరాలు. ఇద్దరి మధ్య ప్రేమాయణం కొనసాగింది. మూడేండ్ల తర్వాత ఆమెను స్కాటిష్ భవనానికి తీసుకెళ్లి ఎలిజెబెత్ మహారాణికి, తండ్రి ఫిలిఫ్కు పరిచయం చేశాడు.