దేశంలో కరోనా మరణాల సంఖ్య వచ్చే నెలకు సుమారు ఐదు లక్షలకు చేరుకునే అవకాశం ఉందని, దీంతో కఠిన చర్యలు తప్పనిసరని బైడెన్‌ తెలిపారు. ప్రస్తుతం మనం జాతీయ అత్యవసర పరిస్థితిలో ఉన్నామని, దీంతో కఠినంగా వ్యవహరించాల్సిన సమయమిదని అన్నారు.
అయితే కరోనా వైరస్‌ వ్యాప్తి నివారణలో భాగంగా బైడెన్‌ ప్రభుత్వం విదేశీ ప్రయాణికుల రాకపోకలపై నిషేధాన్ని తిరిగి పునరుద్ధరించనున్నట్లు వైట్‌హౌస్‌ ప్రతినిధి ఒకరు తెలిపారు. కానీ బ్రిటన్‌, బ్రెజిల్‌, ఐర్లాండ్‌, ఐరోపాలకు చెందిన ప్రయాణికులపై ఈ నిషేధం కొనసాగనుందని అన్నారు.
కాగా, ట్రంప్‌ అధ్యక్షునిగా కొనసాగిన చివరిరోజులలో యూరప్‌, బ్రెజిల్‌ నుండి వచ్చిన ప్రయాణికులపై నిషేధాని ఎత్తివేస్తున్నట్లు జారీ చేసిన ఉత్తర్వులను కూడా వెంటనే రద్దు చేయనున్నట్లు వైట్‌ హౌస్‌ స్పష్టం చేసింది.
