ఈజిప్టులోని ప్రపంచ ప్రఖ్యాత పిరమిడ్ల వద్ద ప్రపంచంలో అత్యంత పొడవైన వ్యక్తి.. ప్రపంచంలో అత్యంత పొట్టి మహిళ కలిశారు. పర్యాటకాన్ని ప్రమోట్ చేసే దిశగా వీరిద్దరినీ ఈజిప్టు కలిపింది. గిజా పిరమిడ్ల వద్ద వీరిద్దరూ సందడి చేశారు. వీరిద్దరినీ ఒకే ఫ్రేమ్‌లో బంధించేందుకు ఫొటోగ్రాఫర్లు నానా తంటాలు పడాల్సి వచ్చింది.
ఈజిప్టు పర్యాటకాన్ని ప్రమోట్ చేయడంలో భాగంగా ఈజిప్టు సర్కారు ఈ ఇద్దరితో ప్రచారం నిర్వహించాలనుకుంది. ఇందులో భాగంగా వీరిద్దరూ కైరోలోని చారిత్రక గిజా పిరమిడ్ల వద్ద పర్యాటకులతో కలిసి ఫొటోలకు ఫోజిచ్చారు. ఈజిప్టులోని మరిన్ని పర్యాటక ప్రాంతాల్లోనూ సుల్తాన్ కోసెన్, జ్యోతి అమ్గేలు సందర్శించనున్నారు.
