దేశీయ టెలికాం రంగంలో రిలయన్స్ జియో ఓ సంచలనం. జియో మొబైల్ సేవలు ప్రారంభమైన తర్వాత కాల్, ఇంటర్నెట్ చార్జీలు గణనీయంగా తగ్గిపోయాయి. అదేసమయంలో రిలయన్స్ జియో అందిస్తున్న ఉచిత 4జీ ఫీచర్ ఫోన్ మరో సంచలనం రేపింది. అయితే, ఇపుడు ఆ ఫోన్ పేలి పోయిందనే వార్త పెను సంచలనమైంది.
దీనిపై రిలయన్స్ జియో కంపెనీ యాజమాన్యం స్పందించింది. ఈ సమాచారం మా దృష్టికి కూడా వచ్చింది. ఇది కొందరు కావాలని సృష్టించారని.. ఎవరూ నమ్మొద్దని విజ్ఞప్తి చేసింది. ఛార్జింగ్ పెట్టినప్పుడు పేలలేదని తెలిపింది. దీని వెనుక ఏదో జరిగి ఉండొచ్చని అభిప్రాయపడింది. జియో ఫీచర్ ఫోన్ అంతర్జాతీయ ప్రమాణాలతో తయారు చేసినట్టు తెలిపింది. అన్నీ పరిశీలించిన తర్వాతే బయటకు విడుదల చేస్తున్నట్లు పేర్కొంది. దీనిపై మరింత విచారణ తర్వాత తదుపరి చర్యలు తీసుకుంటామని ప్రకటించింది.
