నరేంద్ర మోదీ అంటే ఇప్పుడు అంతర్జాతీయ స్థాయిలోనూ పొలిటికల్ స్టార్. ప్రజల నాడి పట్టడంలో ఆయనను మించినవారు లేరని అంతర్జాతీయ మీడియా ఇప్పుడు ఆయనపై కథనాలు రాస్తోంది. మరో దశాబ్ద కాలం పాటూ ఆయనకు తిరుగు లేదని పతాక శీర్షికల్లో తెలుపుతోంది. భాజపాకు అంతటి ప్రాభవాన్ని తెచ్చిన నరేంద్ర మోదీ అంటే లాల్ కృష్ణ అద్వానీకి మాత్రం ప్రత్యేక అభిమానం వుండదూ. అందుకే ప్రధాని మోదీని అభినందనలతో ముంచెత్తారట. భాజపాకు ఇంతటి ఘన విజయం సాధించినందుకు ఆయన కళ్లలో ఆనంద బాష్పాలు కురిశాయట.
ఇదిలావుండగా రాష్ట్రపతి ప్రణబ్ ముఖర్జీ పదవీకాలం ముగియగానే ఆ పదవిలో ఎవర్ని ఎంపిక చేస్తారన్న చర్చ ఎప్పటి నుండో జరుగుతూ వస్తోంది. అద్వానీకి ఆ పదవి కట్టబెడతారంటూ వార్తలు కూడా వచ్చాయి. అదే నిజం చేయబోతున్నారట ప్రధాని నరేంద్ర మోదీ. తన సన్నిహితుల వద్ద అద్వానీజీని రాష్ట్రపతిగా ఎన్నుకోబోతున్నట్లు చర్చ జరిపినట్లు సమాచారం. గుజరాత్ రాష్ట్రంలో జరిగిన సమావేశంలో నరేంద్ర మోదీ రాష్ట్రపతిగా అద్వానీ పేరును సూచించినట్లు చెపుతున్నారు. మొత్తమ్మీద గురుదక్షిణగా అద్వానీకి నరేంద్ర మోదీ రాష్ట్రపతిగా అవకాశం ఇవ్వనున్నారన్నమాట.
