ఏపీ మాజీ స్పీకర్, టీడీపీ సీనియర్ నేత కోడెల శివప్రసాదరావు బీజేపీలో చేరాలనుకున్నారనే వార్త ప్రస్తుతం చర్చనీయాంశమైంది. కోడెల శివప్రసాద రావు బీజేపీలో చేరాలనుకున్నారని కేంద్ర హోం శాఖ మంత్రి అమిత్ షాను కలవాలని తనకు అపాయింట్‌మెంట్ ఇప్పించాలని కోడెల తనను సంప్రదించినట్లు రఘురామ్ ప్రకటించడం ప్రాధాన్యతను సంతరించుకుంది.
అసెంబ్లీ ఫర్నిచర్ వ్యవహారంలో తెలుగుదేశం పార్టీ తనను ఏకాకిని చేసిందని కోడెల తనకు ఫోన్ చేసి ఆవేదన వ్యక్తం చేశారని ఆయన పేర్కొన్నారు. కోడెల మరణం తనను తీవ్ర దిగ్భ్రాంతికి గురి చేసిందని అన్నారు. ఆయన జీవించి ఉండి ఉంటే దసరా తరువాత బీజేపీలో చేరి ఉండేవారని చెప్పుకొచ్చారు. ఓడిపోయేవారిని పక్కనబెట్టే సంస్కృతికి టీడీపీ పెద్ద పీట వేస్తుందని ధ్వజమెత్తారు.
