16 ఏళ్ల బాలుడిపై 15 మంది అబ్బాయిల గ్యాంగ్ రేప్..

చిన్నారులపై అకృత్యాలు పెరిగిపోతున్నాయి. బాలికలపై కాకుండా అబ్బాయిలపై కూడా అత్యాచార అఘాయిత్యాలు చోటుచేసుకుంటున్నాయి. తాజాగా ముంబైలో ఓ దుర్ఘటన చోటుచేసుకుంది. 16 ఏళ్ల వయస్సున్న ఓ బాలుడిపై 15మంది బాలుర బృందం గ్యాంగ్ రేప్‌కు పాల్పడింది. ఈ ఘటనలో ఏడుగురిని పోలీసులు అరెస్ట్ చేశారు. వివరాల్లోకి వెళితే.. గత 2016వ సంవత్సరం 16 ఏళ్ల బాలుడిని.. ఓ బాలుడు రేప్ చేశాడు. ఈ తతంగాన్ని వీడియో కూడా తీశాడు. దీన్ని బయటికి చెప్తే వీడియోను లీక్ చేస్తానని బెదిరించాడు. 

కానీ ఈ వీడియోను రేపిస్ట్ బాలుడు తన స్నేహితులకు షేర్ చేశాడు. ఆపై రేపిస్ట్ స్నేహితులు కూడా బాధిత బాలుడిపై ఇటీవల మైదానంలో మరోసారి అత్యాచారానికి పాల్పడ్డారు. అత్యాచారానికి అంగీకరించని బాధితుడిపై దాడి చేయడంతో పాటు డబ్బు కావాలని బెదిరించారు. వీరి చర్యలకు తాళలేని బాధిత బాలుడు సామాజిక సంక్షేమ కేంద్రం ద్వారా పోలీసులకు ఫిర్యాదు చేశాడు.

దీనిపై కేసు నమోదు చేసుకున్న పోలీసులు.. బాధిత బాలుడికి వైద్య పరీక్షలు నిర్వహించారు. ఈ పరీక్షల్లో అతనిపై లైంగిక వేధింపులు జరిగిన మాట నిజమేనని తేలింది. ఆపై 15మంది బాలురుల్లో ఏడుగురిని అరెస్ట్ చేశారు. మిగిలిన వారి కోసం గాలిస్తున్నారు.