సీబీఐ డైరెక్టర్‌గా గతవారం నియమితులైన సుబోధ్‌ కుమార్‌ జైస్వాల్‌ పరిపాలనా విభాగంలో కొన్ని మార్పులకు చేపట్టారు. ఇకపై సీబీఐ అధికారులు, స్టాఫ్ సభ్యులు టీషర్ట్, జీన్స్‌, స్పోర్ట్‌ షూస్‌ ధరించి కార్యాలయానికి వస్తే సహించేదిలేదని సుబోధ్‌ కుమార్‌ జైస్వాల్‌ హెచ్చరించారు. స్టాఫ్ కచ్చితంగా ఫార్మల్‌ దుస్తులు, బూట్లు ధరించే హాజరు కావాలని ఆయన తెలిపారు.
అంతేకాదు.. గెడ్డం ఉండకుండా క్లీన్‌షేవ్‌ చేసుకుని రావాలని జైస్వాల్‌ సూచించారు. దేశవ్యాప్తంగా ఉన్న అన్ని సీబీఐ కార్యాలయాలు, శాఖలకు ఈ నిబంధనలు వర్తిస్తాయని తెలిపారు. గతంలో ఎలాంటి డ్రెస్‌కోడ్‌ లేకపోవడంతో టీషర్ట్, జీన్స్‌ ధరించేవారు. దీన్ని ఎవరూ ఆపలేదు.
