ఉగ్రవాదుల ముప్పును కనుక్కోవాలంటే తమకు ఈ విధమైన స్కానర్లు అవసరమని హైదరాబాద్‌లోని సీఐఎస్ఎఫ్, జీఎంఆర్ ఎయిర్ పోర్ట్ కస్టమ్స్ అధికారులు చేసిన సిఫార్సు మేరకు వీటిని తయారు చేసి ఉపయోగిస్తున్నారు. అయితే, వీటి వల్ల రేడియేషన్ సోకి ప్రజల ఆరోగ్యం ప్రమాదంలో పడవచ్చునన్న ఆందోళన వ్యక్తమవుతోంది.
అయితే, ఇది పూర్తిగా సివిల్ ఏవియేషన్ సెక్యూరిటీ బ్యూరో నిర్ణయమని తమకు ఎలాంటి సంబంధం లేదని ఎయిర్‌పోర్టు అధికారులు చెపుతున్నారు. యూఎస్‌ ఎయిర్‌పోర్టుల్లోని బాడీ స్కానర్లు మరీ ఎక్స్‌రే ఇమేజ్లను తీస్తాయని, అలాకాక ఢిల్లీలోని స్కానర్లు కేవలం ఊహాచిత్రాల్లాంటి ఇమేజ్‌లు తీస్తాయికనుక ఆందోళన అనవసరమని అంటున్నారు. అయితే, మహిళా ప్రయాణికులు మాత్రం దీనిపై మరింత క్లారిటీ కావాలని కోరుతున్నారు.
