ఎంకే స్టాలిన్. ఇటీవలే రాష్ట్ర ముఖ్యమంత్రిగా బాధ్యతలు స్వీకరించారు. కానీ, ఆయనలో సీఎం అధికార దర్పం మచ్చుకైనా కనిపించడం లేదు. భారీ కాన్వాయ్ అంటూ ఏదీ లేదు. కేవలం ఆయన భద్రతా సిబ్బందికి చెందిన వాహనాలే ఉంటాయి. పైగా, సీఎం కుర్చీలో కూర్చొన్నది మొదలుకుని క్షణం తీరిక లేకుండా గడుపుతున్నారు. ఈ నెల రోజుల వ్యవధిలోనే మంచి ముఖ్యమంత్రి అని ప్రజలతో అనిపించుకున్నారు.
ఈ క్రమంలో కాన్వాయ్ ముందుకు వెళుతోంది. అర్జీతో ఉన్న మహిళను చూసిన ముఖ్యమంత్రి స్టాలిన్ కాన్వాయ్‌ని ఆపించి ఆ పిటిషన్‌ను స్వీకరించారు. పైగా, వెంటనే దానిపై సంతకం చేసి చర్యలు తీసుకోవాలని అధికారులను ఆదేశించారు. స్వయంగా ముఖ్యమంత్రే.. అర్జీ తీసుకోవడంతో ఆ వృద్ధురాలు అనందంతో వెనుదిరిగింది. ఇదంతా సెకన్ల వ్యవధిలోనే జరిగిపోయింది. ఈ సంఘటనను చూసిన నెటిజన్లంతా ముఖ్యమంత్రి ఎంకే స్టాలిన్‌ను అభినందిస్తున్నారు.
