రాష్ట్ర కాంగ్రెస్ బండ్లన్నీ జగన్‌ వైపే పరుగులు: జేసీ దివాకర్

రాష్ట్రంలోని కాంగ్రెస్ పార్టీ బండ్లన్నీ వైఎస్.జగన్మోహన్ రెడ్డి వైపే పురుగులు తీస్తున్నాయని కాంగ్రెస్ పార్టీ సీనియర్ నేత, మాజీ మంత్రి జేసీ.దివాకర్ రెడ్డి అభిప్రాయపడ్డారు. వచ్చే ఉప ఎన్నికల్లో జగన్ విజయం సాధిస్తే రాష్ట్ర రాజకీయాల్లో అనూహ్య పరిణామాలు చోటు చేసుకోవడం ఖాయమన్నారు.

అనంతపురం జిల్లాకు చెందిన జేసీ.దివాకర్ రెడ్డి ముఖ్యమంత్రి ఎన్.కిరణ్ కుమార్ రెడ్డి మంత్రివర్గంలో చోటు తీవ్రప్రయత్నాలు చేసినప్పటికీ ఫలితం దక్కలేదు. దీంతో ఆయన కాస్త నిస్తేజం నెలకొంది. ఈ నేపథ్యంలో.. ఆయన తన సన్నిహితులు, నమ్మకస్తులైన సీనియర్ నేతల వద్ద తన మనస్సులోని మాటలను వెల్లడిస్తున్నారు.

కడప, పులివెందుల పార్లమెంట్, అసెంబ్లీ స్థానాలకు జరిగే ఉప ఎన్నికల్లో జగన్ విజయం సాధిస్తే రాష్ట్రంలోని కాంగ్రెస్ బండ్లన్నీ జగన్ పార్టీ వైపు పరుగులు తీస్తాయన్నారు. ఆ తర్వాత రాష్ట్ర కాంగ్రెస్‌లో అనూహ్య పరిణామాలు చోటు చేసుకుంటాయన్నారు. అదేసమయంలో తన సొంత జిల్లాలో తాను ఒక్కడినే కాంగ్రెస్ పార్టీలో మిగలవచ్చన్నారు. మిగిలిన వారంతా జగన్ వైపు పరుగులు పట్టే అవకాశం ఉందని జేసీ.దివాకర్ రెడ్డి అభిప్రాయపడ్డారు.