భద్రతామండలిలో శాశ్వత సభ్యత్వానికి భారత్‌కు మద్దతు!
ఐక్యరాజ్య సమితి భద్రతా మండలిలో భారత్‌కు శాశ్వత సభ్యత్వం కోసం పూర్తి మద్దతిస్తామని సిరియా అధ్యక్షుడు బషీర్ అల్ అసద్ తెలిపారు. ఈ మేరకు ఆ దేశ పర్యటనలో ఉన్న రాష్ట్రపతి ప్రతిభా పాటిల్‌కు ఆయన హామీ ఇచ్చారు.
ప్రతిభా పాటిల్, బషీర్ అసద్‌ల మధ్య శనివారం సమావేశం జరిగింది. ఈ సందర్భంగా అసద్ మాట్లాడుతూ భద్రతా మండలి శాశ్వత సభ్యత్వం కోసం భారత్ చేస్తున్న ప్రయత్నాలకు పూర్తి సహకరిస్తామన్నారు. మండలిని మరింత ప్రజాస్వామికంగా తీర్చిదిద్దేందుకు భారత్‌కు ఈ సభ్యత్వం ఇవ్వాలని ఆయన ఉద్ఘాటించారు.
