వికారాబాద్‌ జిల్లా నవాబుపేట మండలం ఎక్కమిడి గ్రామంలో సరైన అనుమతులు లేకుండా ఫామ్‌హౌస్‌ నిర్మించారనే ఆరోపణలపై నటుడు అలీకి గ్రామ పంచాయతీ నోటీసులు జారీ చేసింది. అనుమతులు పొందకుండానే అక్రమ నిర్మాణాలు చేపట్టి నిర్మాణాలు చేపట్టారని గ్రామ కార్యదర్శి శోభారాణి తెలిపారు. అలీ ఎక్కమిడిలో వ్యవసాయ భూమిని కొనుగోలు చేశారు. అక్కడ అతను స్థానిక వ్యవసాయ కార్మికుల సహాయంతో పంటలు పండించారు.
పండ్ల తోటలను నిర్వహించారు. అయితే గ్రామ పంచాయతీ నుంచి ముందస్తు అనుమతులు పొందకుండానే ఫామ్‌హౌస్‌, సంబంధిత నిర్మాణాలు చేపట్టినట్లు ఆరోపణలు వెల్లువెత్తుతున్నాయి. ఫామ్‌హౌస్‌లోని కేర్‌టేకర్‌కు అందజేసిన నోటీసుల్లో అనధికార నిర్మాణాలకు సంబంధించి అలీ వివరణ ఇవ్వాలని డిమాండ్ చేశారు.
