తెలంగాణ బీజేపీ ప్రజా సమస్యలపై పోరాటాన్ని గతకంటే ఉధృతం చేసింది. ఏ చిన్నఅవకాశం చిక్కినా రోడ్డెక్కి ఆందోళనలకు సై అంటోంది. ప్రభుత్వ వైఫ‌ల్యాలు, మున్సిపల్ చట్టం, ఇంట‌ర్ విద్యార్థుల ఆత్మహ‌త్యలు, విద్యుత్ కొనుగోలు అంశం ఇలాంటి అనేక అంశాలపై క్షేత్ర స్థాయిలో పోరాటం చేస్తూ వస్తోంది. ముఖ్యంగా మహిళా మోర్చా ఆధ్వర్యంలో ఇప్పటికే పలు కార్యక్రమాలకు రాష్ట్ర మహిళా మోర్చ అధ్యక్షురాలు ఆకుల విజయ, మాజీ మంత్రి డీకే అరుణ పోరాటాలకు శ్రీకారం చుట్టారు..
ఈ కార్యక్రమానికి ఆకుల విజయ తన వంతు పాత్ర పోషించేందుకు సిద్ధమవుతున్నారు.. లోక్‌సభ ఎన్నికల తరువాత హైద‌రాబాద్‌లో పెద్దగా ఎలాంటి కార్యక్రమాలు నిర్వహించన మాజీ మంత్రి డీకే అరుణ.. ఇప్పుడు హైదరాబాద్ కేంద్రంగా ఆందోళన కార్యక్రమాలు చేప‌డుతున్నారు. హైదరాబాద్ కేంద్రంగా కార్యక్రమాల నిర్వహణలో ఆంతర్యమేంటన్నది పార్టీలో పెద్ద చ‌ర్చ అవుతోంది..
ఈ నెల 12, 13 తేదీల్లో భారీ జన సమీకరణతో దీక్షను విజయవంతం చేసే దిశగా అడుగులు వేస్తున్నారు మహిళ నేతలు. ప్రభుత్వాన్ని ఎదుర్కునేందుకు ఒక బలమైన వాయిస్ ఉండాలని.. అది మహిళది అయితే ప్రజ‌ల్లోకి మ‌రింత విస్తృతంగా వెళ్తుందన్న ద్దేశాన్ని అధిష్టానానికి కల్పించే విధంగా వీరు కార్యక్రమాలు చేపడుతున్నార‌ని పార్టీలో గుసగుసలు వినిపిస్తున్నాయి.
