అనసూయ, రేష్మిల మధ్య ఈగో పుట్టుకొచ్చిందా అంటే అవుననే సమాధానమిస్తున్నారు సినీ జనం.. అనసూయ ప్రత్యేక పాత్రల కోసం వేచి చూస్తూ... సెలక్టివ్‌గా పాత్రల్ని ఎంచుకుంటే.. రేష్మి మాత్రం దొరికిన అవకాశాలను ఎంచక్కా ఉపయోగించుకుంటుంది. చిన్నా చితకా పాత్రలైనా చేసుకుంటూ పోతోంది. దీంతో ఇద్దరి మధ్య ఈగో వచ్చిందని సినీ జనం అంటున్నారు. కానీ అవన్నీ అబద్ధాలేనని రేష్మీ అంటోంది. అంతేకాదు. అనసూయతో నాకు గొడవలా అంటూ ఆశ్చర్యపోతోంది.
అనసూయతో తనకెలాంటి తగాదా లేదని.. తామిద్దరం ఒకే షో నుంచి బయటికి వచ్చాం కాబట్టి రూమర్లు వస్తుంటాయని.. మేమిద్దరం మెచ్యూరిటీ ఉన్న అమ్మాయిలం. ఇలాంటివి లైట్ తీసుకుంటాం. అనసూయ పెద్ద సినిమాల్లో చేస్తోంది. పెద్ద స్టార్లతో నటించింది. నన్ను నేను రాకుమారిలాగా భావిస్తాను. నేనో సినిమా చేశానంటే దాని ద్వారా అందరికీ గుర్తుండిపోవాలి. చిన్న సినిమాలు చేయడానికి నాకు ఇబ్బందేమీ లేదు.. అంటూ రేష్మీ వెల్లడించింది.
