అక్కినేని నాగార్జున, సమంత నటించిన రాజు గారి గది 2 సినిమాను కూడా ఆగస్టు 25వ తేదీన రిలీజ్ చేయాలనుకున్నారు. కానీ గ్రాఫిక్స్ వర్క్ పూర్తి కాకపోవడంతో... ఆ రోజున రిలీజ్ చేయట్లేదు. ఎందుకంటే అదే రోజున చైతూ సినిమాను రిలీజ్ చేసేందుకు రంగం సిద్ధం చేస్తున్నారట. నాగచైతన్య కథానాయకుడిగా మారి ముత్తు దర్శకత్వంలో 'యుద్ధం శరణం' సినిమా తెరకెక్కింది.
ఇందులో లావణ్య త్రిపాఠి హీరోయిన్‌గా నటించిన ఈ సినిమాలో, విలన్‌గా శ్రీకాంత్ కనిపించనున్నాడు. ఈ సినిమాను ఆగస్టు నెలలో విడుదల చేయాలనుకున్నారు. కానీ ఇప్పటికే చాలా సినిమాలు ఆగస్టులో తమ విడుదల తేదీలను ప్రకటించేశాయి. దాంతో ఈ సినిమా ఆగస్టులో రిలీజ్ అవుతుందా లేదా అని ప్రేక్షకులు ఎదురుచూస్తున్నారు.
