టాలీవుడ్ హీరో అఖిల్ అక్కినేని, డిజైనర్ శ్రియా భూపాల్ రెడ్డి పెళ్లి రద్దు అయినట్టు వార్తలు హల్‌చల్ చేస్తున్నాయి. ఈ అంశంపై హీరో నాగార్జున ఇప్పటివరకు ఒక్క మాట కూడా మాట్లాడటం లేదు. ఈ విషయంలో నాగార్జున స్టేట్మెంట్ కోసం ప్రతి ఒక్కరూ ఆత్రుతతగా ఎదురు చూస్తున్నారు.
విక్రమ్ కుమార్ సినిమాలు ఒక్కొక్కటి విభిన్న కథాంశంతో రూపొందినవే. 'ఇష్క్', 'మనం', '24' ఇలా వేటికవే డిఫరెంట్. 'మనం' సినిమా నాగార్జున కెరీర్‌లో ఓ మంచి చిత్రంగా గుర్తింపు తెచ్చింది. తండ్రికి హిట్ ఇచ్చిన దర్శకుడే తనకూ హిట్ సినిమాను అందిస్తాడనే నమ్మకంతో అఖిల్ ఉన్నాడు.
అయితే ఈ సినిమాకు సంబంధించి ఓ ఆసక్తికర విషయం వెలుగులోకి వచ్చింది. అఖిల్ సినిమా తర్వాత నాగార్జున, అఖిల్ రెండో సినిమా విషయంలో తర్జనభర్జన పడ్డారట. ఎంతో డైలమా తర్వాత విక్రమ్ చెప్పిన కథకు ఓకే చెప్పారట. ఈ సినిమాను తెరకెక్కించే విషయంలో దర్శకుడికి పూర్తి స్వేచ్చనిచ్చారట.
తాను గానీ, అఖిల్ గానీ సినిమా కథ విషయంలో జోక్యం చేసుకోమని నాగార్జున విక్రమ్‌కు తేల్చి చెప్పాడట. ఏం చేస్తావో, ఎలా తీస్తావో తెలియదు గానీ ఈ సినిమా హిట్టవ్వాలని నాగార్జున విక్రమ్‌కు చెప్పాడట. దొరకాల్సినంత ఫ్రీడమ్ దొరికింది... మరి దర్శకుడి కథ, పనితనంపైనే అఖిల్ రెండో సినిమా హిట్టో, ఫట్టో తేలనుంది.
