మున్నాభాయ్ ఎంబీబీఎస్, త్రీ ఇడియట్స్, పీకే వంటి సినిమాలను రూపొందించిన రాజ్ కుమార్.. తాజాగా సంజయ్ దత్ జీవిత కథ ఆధారంగా సినిమాను తెరకెక్కిస్తున్నాడు. ఇందుకు సంబంధించిన సంప్రదింపుల కోసం రాజ్ కుమార్ అమీర్ ఖాన్‌ను కలిసినట్లు తెలుస్తోంది.
కాగా, ప్రస్తుతం బాలీవుడ్ వర్గాల సమాచారం ప్రకారం సంజయ్ దత్ తండ్రి పాత్రకు అమీర్ ఖాన్‌ను సంప్రదిస్తున్నట్లు తెలుస్తోంది. కానీ దంగల్ సినిమాలో ఇద్దరు పిల్లల తండ్రి పాత్రలో నటిస్తున్న అమీర్ ఖాన్.. రణబీర్ కపూర్ వంటి యంగ్ హీరోకు తండ్రిగా నటిస్తాడా లేదా అనేది ప్రస్తుతం చర్చనీయాంశమైంది. అదే గనక జరిగితే ఇక బిటౌన్లో సెన్సేషన్ కాక తప్పదు.
