ఈ చిత్రం షూటింగ్ ఇటీవల చెన్నై నగరంలో ప్రారంభమైంది. అయితే, ఈ సినిమా మ్యూజిక్ సిట్టింగ్స్ కోసం వడివేలు, దర్శకుడు సురాజ్, లైకా ప్రొడక్షన్స్ ప్రతినిధి తమిళ్ కుమరన్‌లు ఇటీవల లండన్‌కు వెళ్లారు. అక్కడ నుంచి తాజాగా తిరిగి వచ్చారు. ఈ ముగ్గురికి జరిపిన కోవిడ్ పరీక్షల్లో వడివేలులో కోవిడ్ లక్షణాలు కనిపించాయి. దీంతో వైద్యుల సలహా మేరకు ఆయన చికిత్స తీసుకుంటున్నారు.
ఇటీవల విశ్వనటుడు కమల్ హాసన్ కూడా అమెరికాకు వెళ్లి వచ్చిన తర్వాత కోవిడ్ బారినపడ్డారు. ఆ తర్వాత ఆయన నగరంలోని ఓ కార్పొరేట్ ఆస్పత్రిలో చేరి చికిత్స తీసుకున్న తర్వాత కోలుకున్న విషయం తెల్సిందే. అలాగే, హీరో విక్రమ్ కూడా కరోనా వైరస్ బారినపడిన విషయం తెల్సిందే.
