కింగ్ నాగార్జున - నేచుర‌ల్ స్టార్ నాని కాంబినేష‌న్లో రూపొందుతోన్న భారీ మ‌ల్టీస్టార‌ర్ దేవ‌దాస్. వైజ‌యంతీ మూవీస్ బ్యాన‌ర్ పైన రూపొందుతోన్న ఈ సినిమా షూటింగ్ పూర్తి చేసుకుని ప్ర‌స్తుతం నిర్మాణానంత‌ర కార్య‌క్ర‌మాలు జ‌రుపుకుంటుంది. ఈ నెల 27న ప్రేక్ష‌కుల ముందుకు వ‌చ్చేందుకు రెడీ అవుతోంది. ఇదిలా ఉంటే... ఇప్ప‌టివ‌ర‌కు నాగ్ నెక్ట్స్ మూవీ గురించి ఎనౌన్స్ చేయ‌లేదు. అయితే... త‌మిళ స్టార్ హీరో ధ‌నుష్‌తో క‌లిసి ఓ సినిమా చేయ‌నున్నార‌నే వార్త గ‌త కొన్ని రోజులుగా ప్ర‌చారంలో ఉంది.
అయితే... ఈ సినిమా ప్రారంభ‌మైంది. ఈ సినిమాలో ధ‌నుష్ న‌టించ‌డంతో పాటు డైరెక్ష‌న్ కూడా చేస్తున్నారు. ఇందులో నాగ్ రోల్ చాలా ప‌వ‌ర్‌ఫుల్‌గా ఉంటుంద‌ట. తెలుగు, త‌మిళ్‌లో ఈ చిత్రం రూపొందుతోంది. నాగ్‌కి త‌మిళ్‌లో కూడా మంచి క్రేజ్ ఉన్న విష‌యం తెలిసిందే. ఈ సినిమాతో ఎలాంటి సెన్సేష‌న్ క్రియేట్ చేస్తారో చూడాలి.
