పవర్‌స్టార్ పవన్ కళ్యాణ్, రేణు దేశాయ్ కుమారుడు అకిరా నందన్‌లకు సోషల్ మీడియాలో భారీ ఫాలోయింగ్ ఉంది. ఈ రోజు అకిరా నందన్ పుట్టినరోజు సందర్భంగా పవన్ కళ్యాణ్ అభిమానులు అతడికి శుభాకాంక్షలు చెపుతున్నారు. వేలాది మంది అభిమానుల శుభాకాంక్షలతో అకిరా పేరు ట్విట్టర్‌లో ట్రెండింగ్‌లో కూడా వచ్చింది.
తన ప్రత్యేక రోజున రేణు దేశాయ్ ఇన్‌స్టాగ్రామ్‌లో ఒక ఆసక్తికరమైన పోస్ట్‌ను షేర్ చేశారు. ధోతిలో అకిరా చిత్రాలను పంచుకుంటూ, ఆమె తన కొడుకు అడిగిన ప్రశ్న రాసింది. "మహిళలు చీరలు ధరించడం సాధారణమైతే, పురుషులు లేదా బాలురు కేవలం పండుగలు లేదా దేవాలయాలకు వెళ్లేటప్పుడు మాత్రమే కాకుండా నిత్యం ధోతి లేదా లుంగీ ఎందుకు ధరించలేరు?" అనేది అకీరా ప్రశ్న.
దీనికి రేణూ దేశాయ్ బదులిచ్చారు, ఆమె తన పోస్ట్‌లో, “గైస్, అబ్బాయిలకు లుంగీలు, ధోతీస్ ధరించడం సాధారణీకరించండి. మీ రోజువారీ జీవితంలో దీన్ని ధరించడం ఇబ్బందికరంగా చూడకండి. పాశ్చాత్య సంస్కృతిని గుడ్డిగా అనుసరించే బదులు మన సాంప్రదాయ దుస్తులను ధరించడం గర్వంగా అనిపిస్తుందని నేను నమ్ముతున్నాను.” దీనిపై నెటిజన్లు అభినందిస్తూ కామెంట్లు పోస్ట్ చేస్తున్నారు.
