పిఠాపురంలో పవన్ కళ్యాణ్ భారీ మెజార్టీతో గెలుపొందారు. దేశ రాజకీయ చరిత్రలో వంద శాతం స్ట్రైక్ రేట్‌తో జన సేన సరికొత్త రికార్డును క్రియేట్ చేసిన సంగతి తెలిసిందే. తాజాగా ఏపీ డిప్యూటీ సీఎం శ్రీ పవన్ కళ్యాణ్ గారిని ఆర్.కే సాగర్ మర్యాదపూర్వకంగా కలిశారు. తెలంగాణలో జన సేన భవిష్యత్ కార్యాచరణ గురించి మాట్లాడారు.
తెలంగాణలోనూ జన సేన సత్తా చాటాలని, అందుకు తగిన కార్యాచరణ ప్రారంభించాలని అధినేత పవన్ కళ్యాణ్ గారితో ఆర్.కే సాగర్ చర్చించారు. ఈ భేటికి సంబంధించిన ఫోటోలను ఆర్.కే సాగర్ తన సోషల్ మీడియా వేదికగా పంచుకున్నారు. ఈ ఫోటోల్లో జన సేనాని, ఆర్.కే సాగర్ నవ్వులు చిందిస్తూ కనిపిస్తున్నారు.
