జనసేన అధినేత అధినేత, పవర్ స్టార్ పవన్ కల్యాణ్ కాటమరాయుడు సినిమా షూటింగ్ శరవేగంగా జరుగుతోంది. ఈ సినిమా హీరోయిన్ శ్రుతిహాసన్ డేట్స్ అడ్జెస్ కాకపోవడంతో ఈ సినిమాను ఆపేశారని నానా రకాల వార్తలొచ్చిన నేపథ్యంలో.. ఈ సినిమా షూటింగ్ హైదరాబాదులోని నానక్‌రామ్ గూడలో జరుగుతోంది. కాటమరాయుడు, అతని సోదరులపై సన్నివేశాల చిత్రీకరణ జరుగుతోంది.
కమెడియన్ అలీపై కూడా అక్కడే వుండటంతో కాటమరాయుడు అండ్ బ్రదర్స్‌తో అలీ అనే ఫోటో ప్రస్తుతం సోషల్ మీడియాలో హల్ చల్ చేస్తోంది. ఈ సినిమాలో అలీ పాత్రేంటి అంటూ సోషల్ మీడియాలో రచ్చ రచ్చ జరుగుతోంది. పవన్ సినిమాలో అలీ వుండటం సహజమే. స్టోరీ లేకున్నా ఎక్కడోదగ్గర కమెడియన్ కనిపించే విధంగా సీన్‌ని క్రియేట్ చేయడం కొద్ది మూవీల్లో కనిపించింది.
ఇందులో భాగంగానే కాటమరాయుడు, బ్రదర్స్, హీరోయిన్‌తో కీలక సీన్స్‌ని తెరకెక్కించారట. వచ్చేనెల నుంచి అవుట్‌డోర్ షూట్‌కి ప్లాన్ చేస్తున్నారు. ఫిబ్రవరిలోగా సినీ షూటింగ్ పూర్తి చేసి మార్చి 31లోపు సినిమాను ప్రేక్షకుల ముందుకు తీసుకురావాలని సినీ యూనిట్ భావిస్తోంది.
