హమ్మయ్య అంటూ ఊపిరిపీల్చుకున్న స్మిత.. ఐ యామ్ బ్యాక్ అంటూ పోస్ట్

పాప్ సింగర్, తెలుగు గాయని అయిన స్మిత సోషల్ మీడియా హ్యాక్ అయ్యింది. ఆమె అకౌంట్‌లో అశ్లీల చిత్రాలు కనిపించడంతో.. ఒక్కసారిగా షాకైంది. ఆమె ఫేస్‌బుక్ అకౌంట్లో అమ్మాయిల నగ్న చిత్రాలతో కూడిన వీడియోలు కనిపించాయి. 

దీంతో ఖంగుతిన్న స్మిత.. తన అకౌంట్ ఎవరో హ్యాక్ చేశారనీ గ్రహించి వెంటనే సంబందిత అధికారులకు ఫిర్యాదు చేసింది. దీంతో అధికారులు స్మిత అకౌంట్‌ను పూర్వస్థితికి తీసుకువచ్చారు. ఈ నేపథ్యంలో ఊపిరి పీల్చుకున్న సింగర్ స్మిత ఐయామ్ బ్యాక్ అంటూ తన ఫేస్ బుక్‌లో పోస్ట్ పెట్టింది.

ఈ సందర్భంగా ఆమె రాస్తూ.. సోషల్ మీడియా హ్యాక్ అయిన రోజు భయంకరమైన రోజని తెలిపింది. తన ఫేస్ బుక్‌ని హ్యాక్ చేసి స్టుపిడ్ కంటెంట్‌ పోస్ట్ చేశారని.. వాటి వల్ల ఎవరికైనా అసౌకర్యంగా ఫీల్ అయితే క్షమించాలని కోరింది. ఇక తన ఫేస్ బుక్ తిరిగి సాధారణ స్థితికి రావాడానికి సహకరించిన ఫేస్ బుక్ టీమ్‌కు స్మిత ధన్యవాదాలు తెలిపింది.