ఎంత ఎత్తుకు ఎదిగినా టెన్త్ క్లాస్ రోజులను ఎవరూ మర్చిపోలేరు. క‌నుక‌నే టెన్త్ క్లాస్ చ‌దివిన మిత్రుల జ్ఞాప‌కాల నేప‌థ్యంలో టెన్త్ క్లాస్ డైరీస్ చిత్రం రూపొందుతోంది. ఛాయాగ్రాహకుడ‌యిన `గరుడవేగ' అంజి దర్శకుడిగా పరిచయమవుతున్న సినిమా ఇది. అవికా గోర్, శ్రీరామ్ ప్రధాన పాత్రల్లో నటించారు. ఎస్ఆర్ మూవీ మేకర్స్, అన్విత అవని క్రియేషన్ పతాకాలపై అచ్యుత రామారావు .పి, రవితేజ మన్యం సంయుక్తంగా నిర్మించారు. ఇందులో శ్రీనివాసరెడ్డి, 'వెన్నెల' రామారావు, అర్చన (వేద), హిమజ, శివబాలాజీ, మధుమిత, 'సత్యం' రాజేష్, భాను శ్రీ, నాజర్, శివాజీరాజా ఇతర ప్రధాన తారాగణం.
