పైగా, శరీరంలో కూడా చలనం లేదని చెప్పారు. ముఖ్యంగా, కార్డియాక్ అరెస్టుతో పాటు శరీరంలోని అన్ని అవయవాలు పని చేయడం లేదని వైద్యులు చెప్పారు. అయినప్పటికీ ఆయనకు 8 మంది వైద్యులతో కూడిన వైద్య బృందం చికిత్స అందిస్తూ, ఆయన ప్రాణాలు నిలబెట్టేందుకు శతవిధాలా ప్రయత్నించారు. కానీ వారి ప్రయత్నాలు ఏవీ ఫలించకపోవడంతో మంగళవారం ఉదయం 6.15 గంటల సమయంలో ఆయన కన్నుమూసినట్టు వైద్యులు ప్రకటించారు.
కాగా, ఘట్టమనేని కుటుంబంలో ఈ యేడాదిలో వరుసగా మరణాలు సంభవించాయి. ఇప్పటికే ఆ కుటుంబంలో కృష్ణ పెద్ద కుమారుడు రమేష్ బాబు అనారోగ్యంతో ఈ యేడాది జనవరిలో చనిపోయారు. నెలన్నర క్రితం కృష్ణ భార్య ఇందిరా దేవి వయసురీత్యా అనారోగ్యంతో కన్నుమూశారు. ఇపుడు కృష్ణ కూడా తీవ్ర అస్వస్థతకు గురై తిరిగిరాని లోకాలకు చేరుకున్నారు. కృష్ణ మృతిపై ఆయన అభిమానులు, సినీ ప్రముఖులు తీవ్ర దిగ్భ్రాంతిని వ్యక్తం చేస్తున్నారు.
