ఒక్కప్పటి హీరోయిన్లు ప్రస్తుతం సీనియర్లు అవుతున్నారు. అలాంటి అలనాటి నటీమణులు అమ్మ, బామ్మ పాత్రలు పోషిస్తున్నారు. ఇప్పటికే అలనాటి అందాల తారలు సరోజా దేవి వంటి వారు హీరోయిన్లకు బామ్మగా కనిపిస్తుంటే.. తాజాగా మరో అలనాటి అందాల నటి కాంచన దాదాపు 30 సంవత్సరాల తర్వాత మళ్లీ నటించబోతున్నారు.
ఈ విషయాన్ని అర్జున్ రెడ్డి సినిమా దర్శకుడు సందీప్ వంగా ధ్రువీకరించారు. విజయ్ దేవరకొండ హీరోగా నటిస్తున్న ఈ సినిమాలో కాంచన ఆతని బామ్మగా కనిపిస్తారని సందీప్ తెలిపారు. ఈ చిత్రంలో నటించేందుకు కాంచన తొలుత ఒప్పుకోలేదని... ఎంతో కష్టపడి ఆమెను ఒప్పించామని తెలిపాడు. సదీర్ఘ చర్చల అనంతరం నటించేందుకు ఆమె ఓకే చెప్పారని అన్నాడు. ఈ సినిమాలో కాంచనది కీలక పాత్ర అవుతుందని చెప్పాడు.