ఇటీవలికాలంలో భర్తలపై వేధింపులు, హతమార్చే భార్యల సంఖ్య పెరిగిపోయింది. ముఖ్యంగా, అక్రమ సంబంధాలు పెట్టుకుని కట్టుకున్న భర్తలను తమ ప్రియుళ్ళతో కలిసి కిరాతకంగా హత్య చేస్తున్నారు. తాజాగా కొందరు భార్యాబాధితులు భార్యలకు వ్యతిరేకంగా ఆందోళనలు చేస్తున్నారు. దేవుడా ఈ భార్యలు ఏడు జన్మలు కాదు కదా.. ఏడు సెకన్లు కూడా తమకు వద్దంటూ వారు పూజలు చేశారు.
సాధారణంగా వట సావిత్రి పౌర్ణమి రోజున మహిళలు ఏడు జన్మలకూ ఒక్కరే భర్తగా రావాలని పూజలు చేస్తుంటారు. కానీ, భార్యాబాధితుల సంఘం సభ్యులు మాత్రం వింత పూజలు చేశారు. ఏడు జన్మలు కాదు.. ఏడు సెకన్లు కూడా ఈ భార్యలు వద్దంటూ దేవుణ్ని అర్థించారు.
